3/29/2024
Today from Hiiraan Online:  _
Wararka Maanta- Isniin, Mar 17, 2008
Guddoomiye Degmada Huriwaa oo sheegay in uusan hoos-tegin Maamulka Gobolka Banaadir

Isniin,  March 17, 2008(HOL): Guddoomiyaha Degmada Huriwaa Cumar Cabdulle Axmed ayaa shaaca ka qaaday in maamulka Degmadiisa uusan hoos-tegin maamulka Gobolka Banaadir, isla markaana ay degmadiisa ka go’day Gobolkaas.

Cumar Cabdulle Axmed waxaa uu sheegay in uusan muddo afar bilood ah wax xuquuq ah ka helin maamulka Gobolka Banaadir, isla markaana mar uu isku dayay in uu cabashadiisa u gudbiyo Guddoomiyaha Gobolka Banaadir Maxamed Dheere uu kala kulmay sida uu hadalka u dhigay af-lagaado.

“Maamulka Gobolka Banaadir laguma sheegi karo wax jira, waayo ma ahan mid tixgelinaya dad u shaqeeya”ayuu yiri Cumar Cabdulle Axmed oo sheegay in xitaa Guddoomiyayaasha kale ee Degmooyinka Gobolka ay heysato dhibaato la mid ah tan uu ka cabanayo.

Waa Guddoomiyihii ugu horeeyay oo Guddoomiyaha Gobolka Banaadir si toos ah uga soo horjeesta, isla markaana sheegay in aysan wax wada shaqeyn ah ka dhaxeynin Degmadiisa iyo Maamulka Gobolka Banaadir.

Ma jiro ilaa iyo haatan wax war ah oo ka soo baxay dhinaca Maamulka Gobolka Banaadir oo ku saabsan eedeynta uu u soo jeediyay Guddoomiyaha Degmada Huriwaa, iyadoo ay xusid mudan tahay in Guddoomiyahan uu markiisii hore magacaabay Guddoomiyaha Gobolka Banaadir Maxamed Dheere.

Si kastaba arrintu ha ahaatee, labo guddoomiye degmo iyo Guddoomiye ku xigeen horay loogu magaacabay Degmadaas ayaa waxaa dilay Kooxaha ka soo horjeeda Dowladda Federaalka Soomaaliya, iyadoo degmadaasna ay inta badan ka dhacaan iska hor-imaadyo dhexmara Ciidamo Soomaali iyo Itoobiyaan isugu jira oo fariisimo ku leh xaafado ka tirsan Degmadaas.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/17/2008 12:31 PM EST
Isniin, March 17, 2008(HOL): 9 Ruux ayaa geeriyootay, tiro kale oo intaas ka badanna dhaawac ayaa soo gaaray kadib markii uu maanta dagaal ku dhexmaray labo maleeshiyo Beeleed Bariga Magaalada Gaalkacyo ee Gobolka Mudug.

3/17/2008 12:12 PM EST
Isniin, March 17, 2008(HOL): Shir shalay iyo maanta gelinkii hore uga socday Magaalada Muqdisho Ra’iisal Wasaare Nuur Cadde iyo Guddiga Ammaanka Qaranka ayaa gunaanadkii shirkaas waxaa ka soo baxay go’aanno ku saabsan dib u heshiisiinta iyo sugidda Nabadgelyada Muqdisho.

3/17/2008 12:11 PM EST
Isniin, 17 March 2008 (HOL)- Xukuumadda Somaliland ayaa mar kale ku baaqday in dalka oo dhan laga sameeyo isu soo bax ballaadhan oo roob-doon ah iyo saddex maalmood oo Soon ah, kadib markii abaarta dalka ka jirtaa ay sii daba-dheeraatay, isla markaana ay ku baahdey qaybo badan oo dalka ka mid ah.

3/17/2008 6:44 AM EST
Isniin, March 17, 2008(HOL): Ciidamo Itoobiyaan ah oo aad u hubeysan ayaa lagu soo waramayaa in ay saaka waaberigii gaareen Degmada Diinsoor ee Gobolka Bay, halkaasi oo horay loogala wareegay Ciidamo ka amar qaata Dowladda Federaalka Soomaaliya.

3/17/2008 6:41 AM EST
Isniin, March 17, 2008(HOL): Rag Bastoolado ku hubeysan ayaa maanta waxay toogteen ku xigeenkii Taliyaha Ciidamada Nabadsugidda Degmada Afgooye, kaasi oo lagu magacaabi Jiray C/qaadir Jibriil Cali.

3/17/2008 5:49 AM EST
Isniin, March 17, 2008(HOL): Qiimaha lagu kala iibsado raashinka quutul daruuriga ah iyo shidaalka ayaa waxaa ku yimid sare u kac aad u weyn, kaasi oo si weyn u saameeyay dadka aan dhaqaalaha buuran lahayn ee nolol maalmeedka la dagaalama.

3/17/2008 5:48 AM EST
Isniin, March 17, 2008(HOL): Gudoomiyihii hore ee Degmadda Beledweyne Axmed Gobey Cawaale ayaa heenimadii xalay waxaa ay kooxo hubeysan ku dileen Deegaanka Ceel-dheer oo 5km u jira Degmadda Gure-ceel ee Gobalka Gal-gaduud kadib markii kooxo hubeysan ay kala tageen Mas'uulka gaarigii uu la socday.

3/17/2008 5:46 AM EST
Isniin, March 17, 2008(HOL): Taliye ku xigeenka Ciidanka Booliska Gobolka Shabeelaha Hoose Nuuriye Cali Faarax ayaa jawaab ka bixiyay hadal saxaafadeed uu shalay sii daayay Guddoomiyaha Gobolka Banaadir, ahna Duqa Magaalada Muqdisho Maxamed Cumar Xabeeb (Maxamed Dheere).

3/17/2008 5:43 AM EST
Isniin, March 17, 2008(HOL): Madaxweynaha Somaliland, Md. Daahir Riyaale Kaahin ayaa la sheegay inuu guddi saddex xubnood ah u magacaabay khilaafka u dhexeeya xubnaha Komishanka Doorashooyinka Qaranka, kadib markii Guddoomiyaha Komishanku dhowaan u gudbiyey Madaxweynaha qoraal uu ku dalbanayo in la soo beddelo xubin ka mid ah Komishanka oo ah xubintii uu soo xulay xisbiga Mucaaridka ah ee UCID oo Lixda xubnood ee kale ee Komishanku ay isku raaceen in aanay wada shaqayn karin xubintaas.